Зенит Санкт Петрбургийн од тоглогч Андрей Аршавин болон Английн Арсенал багийнхан хооронд тохиролцоонд хүрснээр сая нэг гэрээгээ баталгаажууллаа. Өнгөрсөн 2008-оны Европын аварга шалгаруулах тэмцээнээр өөрийгөө танилуулж чадсан 27 настай залуу Европын топ зэрэглэлийн олон багуудын анхаарлын төвд байсан. Түүнийг Реал, Барса, Арсенал, Тоттенхам зэрэг багууд соирхож байсан. Тэрээр Европын аваргын дараа Барса-гийн өмсгөлийг барьж зурагаа авхуулсан нь нэлээн том сенсаци тарьж байсан юм.

Тэгсэн хэдий ч Андрей хүчээ өгөх багаа олсон бололтой. Түүний авъяс, ур чадварыг Арсенал клубын тоглотуудаас харах болж байна. Арсенал түүнийг 16 сая еврогоор багтаа элсүүлсэн юм.  Зенитээс долоо хоногийн €106,000-н цалин авдаг байсан Андрей Арсеналын түүнд өгөх €80,000-ыг тэр хүлээн зөвшөөрөх болов уу гэсэн асуулт яригдаж байсан. Ямар ч байсан хоёр талын хувьд энэ тийм ч том асуудал байсангүй ээ.

Арсеналын хувьд цагаа олсон наймаа хийлээ. Учир нь Арсеналын шилдэг тоглогч, довтлогч нар нь бэртэлээсээ эргэж ирэхгүй удсаар довтолгооны шугам хоосроод байсан. Аршавинг багийн ахлагч Фабрегас болон Валкотт нарын эзгүйд багтаа авчирч хүч сэлбэж байгаа юм.  

Аршавиний анхны тоглот Английн Примьершипийн 24-р тоглолтонд Вест Хам-тай хийх тоглолт болж байна.