Ах нар-ын шигшээ багийг удирдаж буй Гус Хиддинк “Челси”-гийн жолоог давхар атгах санаатай. Гэхдээ “Челси”-гийнхэн Гусыг энэ улирлыг дуустал багаа удирдах эрх өгөхийг Оросын хөлбөмбөгийн холбооноос хүсчээ.

 

Үүнд нь оросууд “боломжтой” гэж хариулсан байна. Оросууд Гус Хиддинк шигшээ багийг нь “Челси”-тэй хамт сайн аваад явж чадна гэдэгт эргэлзэхгүй байгаа бололтой. Тэгээд ч ирэх зургадугаар сар хүртэл түр хугацаагаар Лондонг зорих тул Густ саад хийхийг хүсэхгүй байгаа юм байна. Гус Оросын шигшээг 2010 оны долдугаар сар хүртэл дасгалжуулах гэрээтэй. Ойрын хугацаанд “Челси”-гийнхэн Оросын хөлбөмбөгийн холбооныхонтой голланд дасгалжуулагчийн тухай нухацтай ярилцах ажээ. Оросын хувьд эсэргүүцэхгүй байх шалтгаан байхгүй ээ. Учир нь  Челсигийн эзэн ноён Абрамович Оросын хөлбөмбөгийн холбоонд нөлөө бүхий нэгэн.