Испаний Ла Лигийн 25-р тойргийн 2 тоглолт өнгөрсөн ням гаригт болоо. Шинэ дасгалжуулагч болох Хуанде Рамос-р удирдуулснаасаа хойш эзэн хааны баг лигтээ 10 дараалан хожлоо. Барселонад хожигдсныг эс тооцвол гайхалтай амжилттай байна. Өнгөрөгч долоо хоногт Аваргуудын лигийн шөвгийн 8-н төлөө Liverpool-г талбай дээрээ хүлээн авч 1:0-р хожигдсон Реал лигийн тэргүүлэгч Барса-с ердөө 4-хөн онооны зөрүүтэй болж ирлээ. Гэхдээ Барса 1 тоглолт дутуу байгаа бөгөөд өнөө шөнө Атлетикогийн  талбай дээр очиж тоглох юм. Хэрвээ хожвол Реал 7-н онооны дутуу болох юм. 3 тойргийн өмнө зөрүү 12 оноо байсан. Реал оноог ойртууулахын тулд нэхсээр Барса баригдахгүйн тулд зүтгэсээр. Испаний Ла Лиг сонирхолтой болж эхэлж байна.

Амралтын өдрүүдэд болсон өөр нэг тоглолт бол Севиллья Атлетик Бильбао хоёрын тоглолт байсан юм.
Севиллья-д хожлийг Мали довтлогч Ф.Кануте 2 гоол хийж авчирсан. Тэдний хувьд хүснэгтийн 3-р байранд баттай бичигдэж байгаа бөгөөд ирэх улирлын Аваргуудын лигт оролцох зорилготой байгаа нь тодорхой. Харин хожигдсон А.Бильбао 9-р байраа хадгалж үлдсэн ч өнөө шөнө болох тоглолтуудын үр дүнгээс хамаарч эхний 10-аас хасагдаж болзошгүй байгаа юм.