Та бүхэндээ Олон улсын эмэгтэйчүүдийн баярын өдрийг тохиолдуулан чин сэтгэлийн халуун мэндчилгээ дэвшүүлж, ажлын амжилт, эрүүл энх, аз жаргал, баяр баясгалан бүхнийг хүсэн ерөөе.

 

Монгол Улсын гэрэл чимэг, өнгө зүс, ухаан тэвчээр, энэрэнгүй бүхний бэлгэдэл болсон эхчүүд, эмэгтэйчүүдийнхээ үеийн үед улс орныхоо төлөө зүтгэн бүтээлчээр хөдөлмөрлөж ирсэн яруу алдар гавъяа зүтгэлийг  миний бие баярын энэ өдөр онцлон тэмдэглэж байгаадаа баяртай байна.

 

Эмэгтэйчүүд сайн сайхан тэмүүлэл бүхний үлгэр жишээ болж, хаа байгаа газраа манлайлж, шинэ соргог зүйлийг авчирч, хатууг зөөллөж, хүндийг хөнгөлж ирсэн түүхтэй.

 

 

Энэ өдөр түүхнээ:

Анх 1911 онд 3сарын 8-ны өдрийг олон улсын эмэгтэйчүүдийн баяр болгон тэмдэглэж байсан байна.

1975 оноос хойш 3 сарын 8-ны өдрийг жил болгон олон улсын эмэгтэйчүүдийн эрхийг хамгаалах баярын өдөр болгон дэлхийн өнцөг булан бүрт тэмдэглэсээр ирсэн түүхтэй.

2006 онд энэ өдрийг дэлхийн эмэгтэйчүүдийн байгууллагаас “эмэгтэйчүүд: шийдвэр гарган,уулзаж өөрчлөлтийг хийнэ” гэсэн уриан дор тэмдэглэн өнгөрүүлсэн байна.