Милан хотын нэрээр нэрлэгдсэн багийн ахлах дасгалжуулагч Карло Анчелотти “Интер”-т хожигдсоныхоо дараа зорилгоо өөрчлөх шаардлага гарсан тухай дурслаа. Адриано гараараа, Станкович хаахын аргагүй хүчтэй цохилтоор Аббьятигийн хаалганд гоал оруулсны дараа Пато тооны харьцааг ойртуулсан ч Моуриньогийн баг ялалтаа хадгалан үлдэж чадсан билээ.
“Бид сайн эхэлсэн ч, “Интер”-ийн довтлогчид манай хамгаалагчдаас биеийн хөгжлийн хувьд илүү байлаа. Бид 0:3-аар хожигдох дөхсөн ч тэнцэж чадах байсан гэдэгт би итгэж байна. Шүүгчдийн хэд хэдэн алдааг энд дурьдахгүй өнгөрч болохгүй нь. Нэгдүгээрт, Адриано толгойгоороо бус гараараа гоал хийсэн. Мөн Жулио Сезарын хаалганд хоёр ч удаа пенальти цохихоор явдал болсон. Гэвч нэгэнт бүх зүйл өнгөрсөн болохоор тэрийг тэгтлээ бодоод, яриад яах вэ. “Интер”-ээс 11 оноо дутуу яваа хэрнээ, тэднийг гүйцэж, аварга болно гэж ам гарах нь дэмий. Одоо байдлыг бодитоор нь харж, биелж болох л зорилго тавих хэрэгтэй. Өөрөөр хэлбэл, зорилгоо өөрчлөх цаг иржээ. Одоо бид эхний гурван байрт багтаж, ирэх намар Аваргуудын лигт тоглох эрхээ авах л чухал боллоо” гэж Анчелотти ярьсан байна.
|