Fernando Torres struck twice to put Liverpool on their way to a comprehensive victory.

Аваргуудын лигт Челсид хожигдсон Хотон шувуунууд өнгөрсөн 31-р тойрогт Блекбурнийг талбай дээрээ хүлээн авч тоглосон. Блекбурн Анфейлд-д 4:0-ээр хожигдол хүлээн харьсан. Энэ тоглолтонд багийн ахлагч Стивен Жеррард гэмтлийн улмаас гараагүй. Энэ улиралд гэмтлээс болж цөөхөн тоглосон хамгаалагч Аггер 1 гоол, залуу тоглогч Нгог мөн 1 гоол хийсэн бөгөөд Фернандо Торрес дубль хийсэн юм.


Тоглолтын өмнө багууд Хиллсброгийн эмгэнэлд гашуудан 1 минут чимээгүй зогссон юм. Ливерпулийн олон хөгжөөн дэмжигчид амиа алдаж байсан тэр явдлаас хойш 20 жил өнгөрч байгаа юм байна.




Топ 4-н нэг Челси энэ тойрогт Болтонтой учираа таарсан. Тэд 4:0-р тоглолтыг тэргүүлж байсан. Гэвч Болтон 70, 74, 78 дахь минутуудад дараалан 3 гоол хийж Челсиг сандаргах нь тэр.  Харамсалтай нь Болтон-д дахин гоал оруулах хангалттай цаг үлдээгүй юм. Гоалуудыг Дрогба, Лампард, Баллак нар оруулсан бөгөөд Дрогба дубль хийсэн юм.
Болтоноос гоалуудыг О’Брайн, Башаам, Тэйлор нар оруулсан.


Тоттенхэм энэ тойрогт Вест Хэмийг 1:0-ээр хожиж, ирэх улиралд Евро цомын тэмцээнд тоглох боломжоо хадгаллаа. Цорын ганц гоолыг сэлгээгээр гарч ирсэн ОХУ-ын легионер Роман Павлюченко хийсэн байна. Энэ гоол Пашагийн хувьд Тоттенхэмд ирснээс хойшхи 14 дэх гоол.


Портсмут - Вест Бромвичийн тоглолтонд Нико Кранчьяр чөлөөт цохилтоос маш гоё гоол хийж, Вест Бромын хожлыг үгүй хийсэн байна. Портсмут сүүлийн 6 тоглолтонд ганц хожигдоод байгаа бол Вест Бромын хожилгүй цуврал 9 дэх тоглолтондоо үргэлжилж байна. Эдгээр 9-ынхөө 6-д нь хожигдсон тэд ирэх улиралд доошоо унах хамгийн өндөр магадлалтай баг юм.