ПЛ-д Астон Вилла Олд Трафордод зочилж ирснээс хойш ердөө 48-н цаг өнгөрөөд байгаа бөгөөд Улаан Чөтгөрүүд дахин том тоглолтонд ороход бэлэн болоод байна. Тэд Аваргуудын Лигийн quarter-final буюу 1/4-т үлдэхийн тулд Португалийн Порто клубтэй тоглоно. Эхний тоглолт Юнайтедын Мөрөөдлийн Театрт. Энэ тоглолт Монголын цагаар өнөө орой буюу шөнийн 3:45 минутаас болох билээ.
Энэ тоглолтонд Манчестер Юнайтед 2004 онд хожигдсоныхоо хариуг авахаар тоглох нь гарцаагүй. Мэдээж давуу байгаа баг нь МанЮ. Хамгийн хөнгөн сугалааг сугалсан баг тэд шүү дээ.
Португалийн багийн хувьд айгаад байх юм байхгүй ээ. Тэд лигтээ энэ жилд хожигдол гэдгийг амсаагүй явж байна. Портогийн хувьд чухал тоглолт гэдэг нь ойлгомжтой.
Порто өнөөдөр нутагтаа хийх 2 дахь тоглолтод сайхан үр дүнтэйгээр очих бодолтой нь тодорхой. Тэнд тэд хэзээ ч Английн багт хожигдоогүй билээ. Намар хэсгийн тоглолтод Арсенал очоод 2-0-оор хожигдоод буцаж байсан. Өнөөдөр португалчууд дор хаяж тэнцээтэй салахыг хичээнэ. Гэвч түүх англичуудын талд. Порту Английн шороон дээр 12 тоглохдоо ердөө ганцхан тэнцэж, 11 удаа хожигдоод явсан юм. Гэхдээ энэ бол түүх. 2004 онд ч мөн адил ийм л үзүүлэлт байсан. Өмнө тэд хожиж болсон юм чинь энэ удаад яагаад үгүй гэж. Тиймээс тэд Улаан Чөтгөрүүдийг энэ шатнаас мулталахын тулд бүх хүчээ дайчилна.