Дэлхий дээрх хамгийн эртний тэмцээн буюу тэртээ 1871 оноос хойш зохиогдож буй ФА кап-н аваргын төлөө тоглох багуудын нэрс өнгөрсөн амралтын өдрүүдээр тодорсон.

Хагас шигшээд Арсенал Челси, Манчестер Юнайтед болон Эвертон багууд үлдээд байсан. Тоглолтууд Уэмбли цэнгэлдэх хүрээлнээ болсон бөгөөд Дрогбагийн гоалын ачаар Цэнхэрүүд аваргын төлөө шалгарсан бол Манчестер Эвертон багуудын тоглолт пеналтаас шийдэгдсэн. Энэ тэмцээнд хамгийн олон буюу 11 түрүүтэй Манчестерийг  тэмцээнээс хассан баг нь Эвертон байсан юм.

Ингэснээр Эвертон болон Челси багууд аваргийн төлөө үлдээд байгаа юм. Дашрамд дурьдахад аваргын төлөө үлдсэн багт Английн хөлбөмбөгийн холбооноос 1 сая фунт өгдөг билээ. Харин хагас шигшээд ялагдсан багуудад 500 мянган фунт стерлинг өгдөг. Харин аварга болсон багт 2 сая үзүүрлэсэн багт 1 сая фунтыг холбооноос өгдөг.

Аваргын төлөөх тоглолт Лондоны Уэмбли цэнгэлдэх хүрээлэнд 5-н сарын 30-ны өдөр болох юм.
 
Эгнээндээ хамгийн олон клубыг багтаадг уг тэмцээнд Эвертон 5, Челси 4 удаа түрүүлж байсан. Челси 2007 онд түрүүлж байсан бол Эвертон 1995 оноос хойш уг тэмцээнд түрүүлэх нь байтугай финалд ч шалгараагүй явж байгаа билээ.

Хоёр багийн хувьд энэ улиралд лигийн тэмцээнээ нэг удаа учираа таарсан. Гуудисон Парк-д 0:0-р тэнцсэн үзүүлэлттэй байгаа. Хариу тоглолт энэ сарын 22-нд буюу өнөөдөр шөнө Станфорд Бриджи цэнгэлдэхэд болно.